पंढरपूर वृत्त (रणजीत मस्के) :- पंढरपूर तालुका पोलीस ठाण्याच्या हद्दीमध्ये हळदी कुंकूच्या कार्यक्रमांत चोरीस आठ लाख 25 हजार रुपयांचे सोन्याचे दागिने हस्तगत करीत पंढरपूर तालुका पोलीसांची मोठी कारवाई आहे.
पंढरपूर तालुका पोलीस ठाणे गुन्हा रजि. नंबर 126/26 भारतीय न्याय संहिता कलम 304 या गुन्ह्यात फिर्यादी आबासाहेब आसबे रा. गोपाळपूर यांनी दिनांक 30 जानेवारी 2026 रोजी दिलेल्या फिर्यादीनुसार यांच्या पत्नीचे दागिने हळदी कुंकूच्या कार्यक्रमांसाठी जात असताना सुमारे आठ लाख 25 हजार रुपये किंमतीचे सोन्याचे दागिने चोरी झाल्याबाबत पंढरपूर तालुका पोलीस ठाणे येथे वरील कलमाप्रमाणे गुन्हा दाखल होता.
सदर गुन्ह्याचे तपासामध्ये फिर्यादी यांच्याकडे सखोल तपास करून त्यांनी दिलेल्या माहितीच्या आधारे फिर्यादी कडूंन घटनेची संपूर्ण माहिती घेवुन पंढरपूर तालुका पोलिसांनी घटनेच्या दिवशी हळदी कुंकू च्या कार्यक्रमासाठी आलेल्या लोकांकडे विचारपूस करून त्यातून सखोल तपास करून मंगळवेढा येथील व्यवसायिक अविनाश वाघमारे रा. मंगळवेढा याला ताब्यात घेवुन सखोल विचारपूस केली असता सुरुवातीला उडवा उडवीची उत्तरे दिल्यानंतर अविनाश वाघमारे (रा. मंगळवेढा व गोपाळपूर) येथील त्याचा मित्र यांच्याकडून चोरीस गेलेले सर्व दागिने एकूण आठ लाख 25 हजार रुपये किंमतीचे सोन्याचे दागिने एकूण वजन 55 ग्राम सोन्याचे दागिने काढून दिले ते पंचायत समक्ष जप्त करण्यात आले आहे. सदर गुन्ह्यातील एकूण 8 लाख 25 हजार रुपयांचे सोन्याचे दागिने पंढरपूर तालुका पोलिसांनी जप्त करून गुन्ह्यात चोरीस गेलेल्या सोन्याची शंभर टक्के रिकव्हरी केली आहे.
Comments
Post a Comment