'ब्युटी पार्लर माझा जीव होता...' तळहातावर सुसाईड नोट लिहून नवविवाहितेची आत्महत्या! पती, दिर, सासू, सासरा यांच्यावर गुन्हा दाखल सोलापूर जिल्हा वृत्त (संभाजी पुरीगोसावी) :- सोलापूर जिल्ह्यातील नातेपुते पोलीस ठाण्याच्या हद्दीमधून एक दुर्दैवी बातमी नुकतीच समोर आली आहे. यामध्ये सासरकडील मंडळींकडून शारीरिक मानसिक त्रास होत असल्याने 22 वर्षीय नवविवाहितेने तरुणीने राहत्या घरी गळफास घेऊन आपले जीवन संपविले आहे. पायल शशिकांत रणदिवे (रा. खुळेवाडी ता. माळशिरस) असे या नवविवाहितेचे नाव आहे. ब्युटी पार्लर बंद करण्यासाठी सासरकडील लोकांकडून त्रास होत होता, असे तिने मृत्यूपूर्वी आपल्या तळहातावरील सुसाईड नोटमध्ये लिहिले आहे. याप्रकरणी पोलीसांनी पती शशिकांत मारुती रणदिवे, सासू छाया मारुती रणदिवे, सासरा मारुती दामू रणदिवे, यांना अटक केली आहे. तर दिर कैलास मारुती रणदिवे याचा पोलीस शोध घेत आहेत. गुन्हा दाखल करण्यापूर्वी नातेवाईकांनी पायलचा मृतदेह नातेपुते पोलीस ठाण्यात आणला. गुन्हा दाखल झाल्यानंतर तिच्या माहेरच्यांनी तिचा मृतदेह घरी नेला. याबाबत अंकुश रामचंद्र लोंढे (रा. बाबरीपुल महाळुंग ता. माळशिरस)...
