सावधान! शेअर बाजार गुंतवणुकीच्या नावाखाली तुमची फसवणूक होऊ शकते!
कोकण परिक्षेत्र विशेष पोलीस महानिरीक्षक श्री. संजय दराडे यांचे जनतेला सतर्कतेचे आवाहन
रायगड, दि. ३ (प्रतिनिधी) :- सध्याच्या काळात शेअर बाजार आणि गुंतवणुकीची वाढती ओढ लक्षात घेता, सायबर गुन्हेगारांनी लोकांची फसवणूक करण्यासाठी नवीन क्लृप्त्या शोधल्या आहेत. या पार्श्वभूमीवर, कोकण परिक्षेत्राचे विशेष पोलीस महानिरीक्षक संजय दराडे (IPS) यांनी नागरिकांना एका व्हिडिओच्या माध्यमातून अत्यंत महत्त्वाचे आवाहन केले आहे।
गुंतवणूकदारांना भुलवण्यासाठी हे सायबर चोरटे बनावट आलेख आणि नफ्याचे आकडे दाखवून त्यांचा विश्वास संपादन करतात. "कष्टाने कमावलेला पैसा अत्यंत मौल्यवान आहे, तो अशा फसव्या योजनांमध्ये गुंतवून गमावू नका," असे भावनिक आवाहनही दराडे यांनी केले आहे. विशेषतः 'रातोरात श्रीमंत होण्याच्या' कोणत्याही जाहिरातींना बळी पडू नका, असे त्यांनी स्पष्टपणे बजावले आहे।
जर कोणाची अशा प्रकारे फसवणूक झाली असेल, त्यांनी त्वरित '११२' या हेल्पलाइन क्रमांकावर संपर्क साधावा. नागरिकांनी पोलीस प्रशासनाला सहकार्य करून सायबर गुन्हेगारांपासून सावध राहावे, असे आवाहन महाराष्ट्र पोलिसांच्या वतीने करण्यात आले आहे।
Comments
Post a Comment